நாலு பேரு நாலு விதமா பேசுனா

நாலு பேரு நாலுவிதமா பேசதான் செய்வாங்க என்று கூறுவார்கள், ஆனால் அந்த நாலு பேரு யாருண்ணு இது வரைக்கும் யாரும் பாத்தது இல்லை, ஆனால் அந்த நாலு பேரு இன்னமும் இருக்கத்தான் செய்கின்றார்கள், ஏன் அவர்களை பார்க்க முடியவில்லை என்றால் நாலு பேர் என்று நான்காக பிரிக்கும் பட்சத்தில் தெருவிற்க்கு நாலு பேர் அல்லது ஊருக்கு நாலுபேர? 

என்பது போல்! எழும் கேள்விகள்!

அந்த நாலு பேர் காலம் காலம் இருக்கிறார்கள் எனும் போது நிச்சயம் அவர்கள் நாலு பேர்கள் மட்டும் அல்ல, அந்த நாலு பேர் இடத்திற்க்கு இடம் நேரத்திர்க்கு நேரம் மாறுபடுகின்றார்கள், சில நேரங்களில் அந்த நாலு பேரில் ஒருவர் நாமாக கூட இருக்கின்றோம் என்பதை யாராலும் மறுக்க இயலாது, உண்மையாக உங்களை நீங்களே கேட்டு பாருங்கள் பிறர் கதைகளை பற்றி நான் பேசியதே இல்லை என்று ஒருவர் கூட கூற இயலாது. அந்த நாலு பேரை இது வரை காணமுடியாததன் மர்மம் அதில் நாமும் இருப்பதால் தான்....