வெற்றியில் கற்றுக் கொண்ட பாடங்கள்

 தோல்வி தினம் தினம் நடப்பது தான், அப்படிப்பட்ட தோல்விகளில் இருந்து கற்றுக் கொள்ள என்ன இருக்கிறது என்று தான் கடந்து விடுகிறார்கள். ஆனால் நாம் கற்றுக் கொள்ள வேண்டியவை தோல்வியில் இருந்து அல்ல

ஆம், நாம் கற்றுக் கொள்ள வேண்டியவை வெற்றியில் இருந்து. தோற்றுப் போக பல காரணங்கள் உண்டு. ஆனால் வெற்றிப் பெற ஒரே ஒரு காரணம் தான் அது தான் நம்பிக்கை

நம்பிக்கை என்ற ஒன்று போதும். நம்மால் செய்ய முடியாது என்ற செயல்கள் மீது முதலில் பயம் தான் வரும், பயம் பக்தியை உருவாக்கும், பக்தி நம்பிக்கையை தரும், நம்பிக்கை பலத்தை தரும் சில வேலைகளில் அமானுஷ்யங்களையும் செய்யும்.

நம்பிக்கை சாத்தியமில்லா எல்லாவற்றையும் சாத்தியமாக்கும். அது மனித மனத்தின் அகத்தில் இருந்து புது உத்வேகத்தை உருவாக்கும்.

வெற்றியின் காரணம் அறிந்து கொள்வது எவ்வளவு முக்கியமானது என்பதை தெளிவாக புரிந்து கொள்ள வேண்டும்.

வெற்றி நாம் நினைப்பது போல பலரை தோற்கடிப்பது இல்லை. வெற்றி என்பது தனித்தன்னை. அது பல நிபந்தனைகளை கொண்டிருக்கும். 

முறையான நம் பயிற்சி அந்த வெற்றியை நோக்கி இழுத்துச் செல்லும். நம்மை நாம் அறியாத வரை வெற்றியின் சுவை கிடைத்தாலும் பயன் இல்லை.

நம்மால் என்ன செய்ய முடியும் முடியாது என்று முதலில் நாம் முடிவு செய்ய வேண்டும். அதன் பின் அனைத்தை பற்றியும் ஆலோசனை செய்யலாம்.

ஆதரவு கரம் நீட்ட பல பேர் உண்டு. ஆனால் வெற்றி பெற்ற பின்பு தான் உனக்கான மரியாதை உனக்கு கிடைக்கும். அதுவரை உன்னை யாரும் மதிக்கப் போவது இல்லை.

இந்த உலகம் யாரையும் கணக்கில் கொள்ளாமல் இல்லை, ஆனால் அனைவருக்கும் ஒரு இயல்பை தருகிறது அந்த இயல்பை வைத்து நம்மையும் நம் மனதையும் இயற்கை தான் வழி நடத்துகிறது.

நாம் என்னவோ நம்மை நாம் வழி நடத்தி செல்வதாக எண்ணிக் கொண்டு இருக்கிறோம். 

ஆனால் உண்மை அதுவல்ல வே, வெற்றி உன்னை மீண்டும் மீண்டும் வெற்றிப் பெற செய்யாது. அது ஆனால் மீண்டும் வெற்றி பெற என்ன என்ன செய்ய வேண்டும் என்ற முழு சாத்தியங்களையும் கற்றுத்தரும்.

ஆகையால் வெற்றியை கொண்டாடுவோம் என்பதை கடந்து வெற்றியை ஆராய்வோம்….