சூப்பு கடை அக்கா

 வளக்கமாக வேலை முடித்து வரும் பாதை கிட்டத்தட்ட நாற்பத்தைந்து நிமிட இருசக்கர பயணத்தின் பின் ஊரை அடைய ஒரு நான்கு கிலோமீட்டர் தூரம் இருக்க

“ஆட்டுக் கால் சூப்” என்று ஒரு பெயர் பலகை கடை ஆரம்பித்து ஒரு சில மாதங்கள் இருக்கலாம் நான் அந்த பாதைக்கு அன்று புதியவன் வழக்கமான பாதையில் மழைவெள்ளம் தேங்கியிருந்ததால்.

அதிக உடல் உழைப்பு செய்ய வேண்டுமானால் உடல் ஆரோக்கியமாக இருக்க வேண்டும். உடல் ஆரோக்கியமாக இருக்க வேண்டுமானால் நல்ல உணவுகளும் உணவு கட்டுபாடுகளும் முக்கியம் என்றெல்லாம் மனம் தனக்கு தானே பேசிக் கொண்டிருந்தது. சூப் கடை அக்காவிடம் “அக்கா இரண்டு சூப் பார்சல் என்றேன்” நேரம் ஒன்பதை கடந்திருந்ததால் கடையில் யாரும் இல்லை. 

கடைக் கார அக்கா சூப்பை பார்சல் கட்டிக் கொண்டிருந்தார்கள் சூப் எவ்வளவு என்று கேட்டேன் அறுபது ரூபாய் தம்பி என்றார்கள் இரண்டு நாட்களுக்கு முன்பு ஆசாரிப்பள்ளத்தில் வாங்கியது பதினைந்து ரூபாய் தான் ஒரு சூப் நான் அந்த அக்காவிடம் அக்கா மத்த கடையில எல்லாம் ஒரு சூப் பதினைந்து ரூபாய் தான் என்றேன் 

கடைக்கார அக்கா தம்பி… சூப் இங்க இருந்து குடிக்கிறது பதினைந்து ரூபாய் தான் ஒரு கப் வரும் இதில் பார்சல் என்றால் இரண்டு கப் ஊற்றுவோம் அதனாலயே விலை முப்பது. அப்புறம் தம்பி இன்னொரு கடை கூட கம்பேர் பண்ண கூடாது ன்னு சொன்னாங்க. 

நான் சிரிச்சேன் ஏன் தம்பி சிரிக்குறீங்கன்னு அந்த அக்கா கேக்க “அக்கா… கடைக்கு துணி எடுக்க போரிங்க ஒரே கடையில வாங்கிடுவிங்களா இல்ல இரண்டு கடை ஏறி இறங்குவிங்களான்னு கேட்டேன்.” இப்போ அந்த அக்கா லேசா சிரிக்க

நான் தொடர்ந்தேன், அக்கா கம்பேர் பண்ணாம எப்படி அக்கா கடையில சூப் நல்லாயிருக்குன்னு சொல்லுறது என்றேன் ! சரி குடிச்சி பாருங்க தம்பி தினமும் வருவீங்க அப்படினு அக்கா சொல்லிட்டு ஊரு பேரு எல்லாம் விசாரிக்க ஆரம்பிச்சிது பார்சல் சூடு கம்மியா இருக்கேன்னு கேக்க எல்லாம் முடிஞ்சி போச்சி தம்பி கடை அடைக்க போற நேரம் நீங்க வந்துருக்கீங்க ன்னு சொல்லி கசா வாங்கி சில்லறை கொடுத்துட்டு என்ன நினசித்தோ தெரியல 

சுதான்னு கூப்ட அக்கா பொண்ணு வீட்டுக்குள்ள இருந்து வந்துச்சி அழகா. 

அண்ணனுக்கு ஒரு குடல் வறுவல் எடுத்துட்டு வான்னு சொல்லுச்சு, அக்கா நான் கேக்கவே இல்லையே ன்னு சொல்ல பரவால தம்பி கொண்டு போங்க ன்னு கொடுத்துச்சு. 

சும்மா வாங்க விருப்பம் இல்ல அதுக்கும் காசு கொடுத்துட்டு வந்தாச்சி அடுத்த நாள்ல இருந்து தினமும் போய்ட்டு இருந்தேன் சூப் வாங்க மட்டும் தான்.